نكتة جديدة

في واحد المدينة ثم بناء ملعب ديال الكورة أو ما بقى ناقص غير العشب ,و بما انه ما بقات غير ستة اشهر على افتتاح الملعب, قام رئيس النادي بإحضار تقني فلاحي للعناية بالعشب إلى حين يوم الافتتاح,من بعد خمس اشهر جا رئيس النادي رفقة تفتيشية خاصة باش يشوفوا الحالة اللي وصل ليها العشب اللي قاموا بزرعه,مللي دخلوا للملعب تا يلقاوا المساحة ديال الملعب كلها زرع. الرئيس المسكين تصدم. هو ايغوت على التقني اللي جاب. أو قال ليه: اشنو عملتي, هو أيجاوب:حرام اسيدي أتضيع كل هذه المساحة غير في العشب,عليها حاولت نزرعها زرع باش تستافدوا من مدخولها.هو أيقول ليه الرئيس: أنت اللي عبرت ا وليدي . بما انه الزرع مسبل خصني أنجيب حكام الشرط باش ايحيحوا على الفراخ. أوفي عوض اللاعبين ايجيوا لابسين التو نيات خصهم ايجيوا لابسن تارازات اومعاهم المناجل باش ايحصدوا. أو السيارة اللي تتحمل اللاعب المعطوب انجيبوها تدرس الزرع, أو بالطبع الجمهور غادي أيغربل الزرع أو يديروا في الخناشي, أما السيد الحكم الرئيسي غادي أيسجل أي مخالفة في أداء المهمة,و السيد المدرب هو اللي غادي يبيع الزرع في السوق, أما التبن فغادين اند يروه كؤوس للفائزين....الله يرضي عليك اولدي .واش تتعرف للانفورماتيك,هو أيقول ليه التقني:نعم اسيدي.ايوا مزيان. قرب حدايا (جاوب الرئيس),هو يبرك عليه بواحد العضة على الأذن اليسرى حتى كان غادي أيطيرها ليه. هو ايقول ليه الرئيس : تاتخدم بديب فريز, نعم ا سيدي (قالها التقني اوهو تا يغوت). هو يتزاوط عليه الرئيس بواحد العضة اخرى على الاذن اليمنى. حتى شدوه غير المفتشين اللي معاه. أو قالوا ليه :اشنو درتي.هو أيجاوبهم :سجلت ليه العضة في الديسك دير (د) باش مللي أيفيق يبقى عاقل عليها